22 April 2024
ഇന്ത്യയിലും വിദേശത്തും നിരവധി ആരാധകരുള്ള താരമാണ് ബോളിവുഡിൻ്റെ സ്വന്തം ഷാറൂഖ് ഖാൻ. ആരാധകർ കിംഗ് ഖാൻ എന്നാണ് അദ്ദേഹത്തെ വിശേഷിപ്പിക്കാറുള്ളത്.
ദിവസവും ലക്ഷക്കണക്കിന് ആരാധകരാണ് ബോളിവുഡിലെ താരരാജാവിനെ കാണാന്‍ അദ്ദേഹത്തിന്റെ ബംഗ്ലാവായ മന്നത്തിന് മുന്നിൽ എത്താറുള്ളത്.
മുംബൈയിലെ ബാന്ദ്രയില്‍ സ്ഥിതി ചെയ്യുന്ന മന്നത്തിന് പുറത്ത് ആരാധകരുടെ ഒത്തുചേരൽ പതിവ് കാഴ്ചയാണ്.
വര്‍ഷങ്ങളായി മന്നത്ത് എന്ന ബംഗ്ലാവിലാണ് ഷാറൂഖ് ഖാന്‍ താമസിക്കുന്നത്. കോടികള്‍ വിലമതിക്കുന്ന ഈ ബംഗ്ലാവ് ഏകദേശം 27,000 ചതുരശ്ര അടിയിലാണ് സ്ഥിതി ചെയ്യുന്നത്.
വില്ല വിയന്ന എന്നായിരുന്നു മന്നത്തിൻ്റെ ആദ്യത്തെ പേര്. നരിമാന്‍ ദുബാഷ് ആയിരുന്നു അതിന്റെ ഉടമ.
ഈ ബംഗ്ലാവിനു മുന്നില്‍ യെസ് ബോസ് എന്ന സിനിമ ഷൂട്ട് ചെയ്തപ്പോഴാണ് ഷാറൂഖിന് ഇത് സ്വന്തമാക്കണമെന്ന ആഗ്രഹമുണ്ടായത്.
ഒടുവില്‍ ബംഗ്ലാവിന്റെ ഉടമയെ കാണാന്‍ ഷാറൂഖ് തീരുമാനിക്കുകയും വീട് വാങ്ങുന്നതിനെക്കുറിച്ച് സംസാരിക്കുകയും ചെയ്യുകയായിരുന്നു.
2001ല്‍ ബായ് ഖോര്‍ഷെദ് ഭാനു സഞ്ജന ട്രസ്റ്റില്‍ നിന്നാണ് ഷാറൂഖ് ഈ ബംഗ്ലാവ് വാങ്ങിയത്. അന്ന് കിംഗ് ഖാന്‍ 13.32 കോടി രൂപയാണ് ഇതിനായി നല്‍കിയതെന്നാണ് റിപ്പോര്‍ട്ടുകള്‍. ഇ
ഇതിനു ശേഷം അദ്ദേഹം ഈ ബംഗ്ലാവിന് ജന്നത്ത് എന്ന് പേരിട്ടു. 2005ലാണ് ഷാറൂഖ് തൻ്റെ ബംഗ്ലാവിൻ്റെ പേര് മന്നത്ത് എന്നാക്കി മാറ്റിയത്.
മന്നത്ത് യഥാര്‍ത്ഥത്തില്‍ 1920-കളില്‍ നിര്‍മ്മിച്ച ഗ്രേഡ് 3 ഹെറിറ്റേജ് വില്ലയാണ്. ആധുനിക ഇറ്റാലിയന്‍ വാസ്തുവിദ്യയും നിയോ ക്ലാസിക്കല്‍ ഘടകങ്ങളും ഉപയോഗിച്ചാണ് ഇത് നിര്‍മ്മിച്ചിരിക്കുന്നത്.
വിന്റേജ്, ആധുനിക ശൈലിയിലുള്ള ഇന്റീരിയറുകളാണ് മന്നത്തിന് നൽകിയിരിക്കുന്നത്.
ആറ് നിലകളുള്ള ഈ ബംഗ്ലാവില്‍ 5 മുറികള്‍, ജിം, നീന്തല്‍ക്കുളം, ലൈബ്രറി, സ്വകാര്യ സിനിമാ തിയേറ്റര്‍ എന്നിവയും ഉണ്ട്.