25 April 2024
ലണ്ടനിൽ മ്യൂസിക് പരിപാടി അവതരിപ്പിക്കാൻ എത്തിയപ്പോൾ മോശം അനുഭവം നേരിട്ടതായി നീരജ് മാധവ്
ബ്ലാക്ക്‌ജാക്ക് പ്രൈവറ്റ് ലിമിറ്റഡ് എന്ന ഇവന്‍റ് സംഘാടകർ മോശം ഭാഷ ഉപയോഗിച്ചെന്നാണ് ആരോപണം
ഇവർ തന്നെയും സംഘത്തെയും കൈയ്യേറ്റം ചെയ്യാൻ ശ്രമിച്ചുവെന്നും നീരജ് സോഷ്യൽ മീഡിയയിലൂടെ പറഞ്ഞു
ചുറ്റും കൂടിയിരുന്ന ആളുകൾ ഇല്ലായിരുന്നുവെങ്കിൽ തങ്ങൾക്കു പരുക്ക് പറ്റിയേനെയെന്നും നടൻ പറയുന്നു
ഡബ്ലിനിലെ പരിപാടിക്ക് ശേഷം സംഘാടകരുടെ ഭാഗത്ത് നിന്ന് നിരുത്തരവാദപരമായ പെരുമാറ്റമാണ് ഉണ്ടായത്
ഇതുമൂലം ലണ്ടനിലെ മറ്റ് പരിപാടികളിൽ നിന്ന് താനും സംഘവും പിൻമാറുകയാണെന്നും നീരജ് പറയുന്നു
പ്രശ്നം കൂടുതൽ വഷളാക്കാൻ സംഘാടകർ തിരഞ്ഞെടുത്ത വഴി അങ്ങേയറ്റം നിരാശാജനകമായിരുന്നു
മടക്കയാത്രയ്ക്കുള്ള ക്രമീകരണങ്ങൾ ചെയ്തുതരാനും സംഘാടകർ തയാറായില്ലെന്നത് ഞെട്ടലുണ്ടാക്കി
വെല്ലുവിളി നിറഞ്ഞ സമയത്ത് തങ്ങൾക്ക് ഒപ്പം നിന്ന ആരാധകർക്കും ഫോളോവേഴ്സിനും നന്ദി പറയുന്നു
പരിപാടിക്കായി സംഘാടകരിൽ നിന്ന് ടിക്കറ്റ് വാങ്ങിയവ‍ർ റീഫണ്ട് ആവശ്യപ്പെടണമെന്നും താരം ഓർമ്മിപ്പിച്ചു