23 March 2024
മലയാള സിനിമയില് പ്രതിഭാധനരായ നായികമാര്ക്ക് ഒരു പഞ്ഞവുമില്ല. ഏത് റോളും ഭംഗിയായി കൈകാര്യം ചെയ്യുന്നവരാണ് നമ്മുടെ നായികമാര്.
ബാലതാരമായി അഭിനയം ആരംഭിച്ച് നായികയായി വളര്ന്ന് അമ്മ നടിയായി മാറുന്നവരാണ് മിക്ക നടിമാരും.
ബാലതാരമായി സിനിമയിലെത്തിയ താരമാണ് കാവ്യ മാധവന്. പത്താം ക്ലാസില് പഠിക്കുമ്പോഴാണ് കാവ്യയ്ക്ക് സിനിമയില് നായികയായി അവസരം ലഭിക്കുന്നത്.
പിന്നീട് പ്ലസ് വണ് പഠനം ആരംഭിച്ചെങ്കിലും അത് പൂര്ത്തിയാക്കാന് കാവ്യയ്ക്ക് സാധിച്ചോയെന്ന കാര്യത്തില് കൃത്യമായ വിവരങ്ങള് ലഭ്യമല്ല. ബിരുദ പഠനത്തിന് താരം ഇതുവരെ അപേക്ഷിച്ചിട്ടുമില്ല.
വളരെ ചെറുപ്പത്തില് സിനിമയിലെത്തിയ താരമാണ് ഭാവന. ചെറിയ പ്രായത്തില് തന്നെ മികച്ച കഥാപാത്രങ്ങള് ലഭിച്ചതിനാല് ഭാവനയ്ക്ക് പഠനത്തില് വേണ്ടവിധം ശ്രദ്ധിക്കാന് കഴിഞ്ഞില്ല.
2002ല് പുറത്തിറങ്ങിയ നമ്മള് എന്ന ചിത്രത്തില് അഭിനയിക്കുമ്പോള് ഭാവനയ്ക്ക് 15-16 വയസായിരുന്നു പ്രായം. ഭാവനയ്ക്കും ബിരുദ വിദ്യാഭ്യാസമില്ലെന്നാണ് വിവരം.
ബാലതാരമായി സിനിമയിലെത്തിയ നടിയാണ് നസ്രിയ. ചെറിയ പ്രായത്തില് തന്നെ ടെലിവിഷന് മേഖലയിലേയ്ക്ക് ചുവടുവെച്ച താരം 2013ല് ഡിഗ്രി പ്രവേശനം നേടിയിരുന്നു.
തൊട്ടടുത്ത വര്ഷം വിവാഹിതയായതിനാല് പഠനം മുടങ്ങി. എന്നാല്, കറസ്പോണ്ടന്സ് കോഴ്സിലൂടെ നസ്രിയ പഠനം പൂര്ത്തീകരിച്ചു.
തീവണ്ടി എന്ന ചിത്രത്തിലൂടെ പ്രിയങ്കരിയായി മാറിയ നടിയാണ് സംയുക്ത മേനോന്. എന്ട്രന്സ് കോച്ചിംഗിന് തയ്യാറെടുക്കുമ്പോഴാണ് തീവണ്ടിയില് അഭിനയിക്കുന്നത്.
ഹണി റോസ്, അപര്ണ ബാലമുരളി, മംമ്ത മോഹന്ദാസ്, അഹാന കൃഷ്ണകുമാര് തുടങ്ങിയവരും ബിരുദം നേടിയ നടിമാരാണ്.
നമിത പ്രമോദ് ബിഎസ്ഡബ്ല്യു വിദ്യാഭ്യാസം പൂര്ത്തിയാക്കിയ താരമാണ്.
പാര്വതി തിരുവോത്ത്, സംവൃത സുനില്, നവ്യ നായര്, മിയ ജോര്ജ്, മീര നന്ദന് തുടങ്ങിയവര് ബിരുദാനന്തര ബിരുദം നേടിയ നടിമാരാണ്.
യുവനടിമാരില് ശ്രദ്ധേയയായ ഐശ്വര്യ ലക്ഷ്മിയാകട്ടെ ഡോക്ടറാണ്.
മലയാളത്തിന്റെ ലേഡി സൂപ്പര് സ്റ്റാറായ മഞ്ജു വാര്യര് ബിരുദധാരിയാണ്.