28 April 2024
സ്വപ്നങ്ങളിൽ കാണുന്ന ഓരോ കാര്യത്തിനും വ്യത്യസ്ത തലങ്ങളിലുള്ള അർത്ഥങ്ങളുണ്ട്.
പൂച്ചയെ ആണ് സ്വപ്നത്തിൽ കാണുന്നത് എങ്കിൽ അത് നിങ്ങളുടെ സ്വഭാവത്തെയാണ് പൊതുവായി സൂചിപ്പിക്കുന്നത്.
നല്ല വൃത്തിയുള്ള പൂച്ചയെയാണ് സ്വപ്നം കണ്ടതെങ്കില്‍ കാര്യങ്ങളെല്ലാം നല്ലതായി നടക്കുമെന്നും ഭാഗ്യവും സമൃദ്ധിയും വന്നുഭവിക്കുമെന്നാണ്.
വൃത്തിയില്ലാത്ത പൂച്ചയെയാണ് സ്വപ്നം കണ്ടതെങ്കില്‍ സൂക്ഷിക്കണം. ആരോഗ്യകാര്യത്തില്‍ ജാഗ്രത കാണിക്കണം.
ഗര്‍ഭിണിയായ ഒരു പൂച്ച കരയുന്നതായി സ്വപ്നം കണ്ടാല്‍, യാത്രകളില്‍ കൂടുതല്‍ ശ്രദ്ധ കാണിക്കണമെന്നാണ്.
നിങ്ങള്‍ ഒരു പൂച്ചയെ പിടികൂടുന്നതായി സ്വപ്നം കണ്ടാല്‍ മോഷണസംബന്ധമായ തിക്താനുഭവങ്ങള്‍ അനുഭവിക്കേണ്ടി വരും.
ഒരു പൂച്ചയെ ഉപദ്രവിക്കുന്നതായി സ്വപ്നം കണ്ടാല്‍ വഞ്ചന, ഉപദ്രവം, ശത്രുദുരിതങ്ങള്‍ എന്നിവയില്‍ നിന്ന് രക്ഷപ്പെടുമെന്നാണ് അര്‍ത്ഥമാക്കുന്നത്.
ഒരു കാര്യവുമില്ലാതെ പൂച്ചയെ അടിക്കുന്നതായിട്ടാണ് സ്വപ്നം കണ്ടതെങ്കില്‍ നിങ്ങള്‍ ക്ഷമയും സഹാനുഭൂതിയും കാണിക്കണമെന്ന് സൂചിപ്പിക്കുന്നു.
വിവാഹിതരായ സ്ത്രീകള്‍ പൂച്ചയെ സ്വപ്നം കണ്ടാല്‍ അവരുടെ ദാമ്പത്യവും ജീവിതവും വിരസമായ ദിനങ്ങളിലേക്ക് നീങ്ങുന്നുവെന്നാണ്.
പൂച്ച കടിക്കാന്‍ ശ്രമിക്കുന്നതായിട്ട് മാത്രമാണ് സ്വപ്നം കണ്ടതെങ്കില്‍ നിങ്ങളുടെ കര്‍മ്മരംഗത്ത്, ശക്തമായ എതിര്‍പ്പുകള്‍ നേരിടേണ്ടിവരുമെന്നാണ് സൂചന.
ചത്തുക്കിടക്കുന്ന ഒരു പൂച്ചയെയാണ് സ്വപ്നത്തില് കാണുന്നതെങ്കില്‍ ശാരീരികവും മാനസികമായി തളരാനിടയുണ്ടെന്നും കാണിക്കുന്നു.
സ്വപ്നത്തില് പൂച്ച സംസാരിക്കുന്നതായി കണ്ടാല്‍, ശത്രുപക്ഷത്തില്‍ നിന്നുള്ള ശക്തമായ എതിര്‍പ്പുകള്‍ ഉണ്ടാകുമെന്നും മനസ്സിലാക്കുക.