29 April 2024
ക്ഷേത്രദർശനം നടത്തുന്നവർക്ക് പ്രസാദവും നിൽമാല്യപ്പൂക്കളും പൂജാരി നൽകും.
പ്രസാദമായി നൽകുന്നത് ചന്ദനമോ, ഭസ്മമോ കുങ്കുമമോ ഒക്കെയാവാം.
ക്ഷേത്ര മതിലിന് പുറത്തുകൊണ്ടുപോയശേഷം വേണം ഇവ ശരീരത്തിൽ അണിയാൻ.
ശേഷിക്കുന്ന പ്രസാദവും പൂക്കളും ഉപേക്ഷിക്കാതെ ഭദ്രമായി പൊതിഞ്ഞ് വീട്ടിൽ കൊണ്ടുപോകുന്നതാണ് ഭൂരിപക്ഷത്തിന്റെയും പതിവ്.
ഈ പൂവും പ്രസാദവുമൊക്കെ വീട്ടിൽ സൂക്ഷിക്കാമോ എന്നത് ഒട്ടുമിക്കവരെയും അലട്ടുന്ന ചോദ്യമാണ്.
പ്രസാദവും നിർമാല്യപ്പൂക്കളും വീട്ടിൽ സൂക്ഷിക്കുന്നതുകൊണ്ട് ഒരുകുഴപ്പവുമില്ലെന്നാണ് വാസ്തുവിദഗ്ദ്ധർ ഉൾപ്പടെയുള്ളവർ പറയുന്നത്.
അശുദ്ധമാക്കാതെ വൃത്തിയായി സൂക്ഷിക്കണം എന്നുമാത്രം.നിർമാല്യപ്പൂക്കളും പ്രസാദവും ഒത്തിരിനാൾ സൂക്ഷിക്കാൻ കഴിയില്ല.
കൂടുതൽ ആയാൽ അവ പൂജാമുറിയിൽ നിന്ന് നീക്കംചെയ്യണം. പുഴവെള്ളത്തിൽ ഒഴുക്കുകയാണ് ഏറ്റവും ഉത്തമം. ഇതിന് കഴിയില്ലെങ്കിൽ കുഴിച്ചുമൂടാം.
വീടിന്റെ കന്നിമൂല ഭാഗത്ത് നെഞ്ചളവ് ആഴത്തിൽ കുഴിയെടുത്തശേഷം അതിനുള്ളിൽ പ്രസാദവും പൂക്കളും ഇട്ടശേഷം മണ്ണുമൂടുകയാണ് വേണ്ടത്.
പൂജാമുറിയിലല്ലാതെ വീട്ടിലെ മേശവലിപ്പിലും കാറിനുള്ളിലുംമറ്റും പൂവും പ്രസാദവുമാെക്കെ സൂക്ഷിക്കുന്നത് ദാേഷം വരുത്തിവയ്ക്കും.
ശുദ്ധവും വൃത്തിയും ഇല്ലാതെ സ്പർശിക്കാൻ ഇടവരും എന്നതിനാലാണിത്.