બોલિવૂડ એક્ટ્રેસ કૃતિ સેનન પોતાના કરિયરમાં ખૂબ જ સારું કામ કરી રહી છે. પરંતુ ફિલ્મોની સાથે અભિનેત્રી તેના લિંકઅપના સમાચારને કારણે પણ ચર્ચામાં રહે છે.
અગાઉ એવી ચર્ચા હતી કે કૃતિ સેનન સાઉથના સુપરસ્ટાર પ્રભાસને ડેટ કરી રહી છે. પરંતુ બંનેએ હંમેશા ડેટિંગના સમાચારોને પાયાવિહોણા ગણાવ્યા.
હવે કૃતિ સેનનનું નામ એક મિસ્ટ્રી મેન સાથે જોડવામાં આવી રહ્યું છે. Reddit પર વાયરલ એક પોસ્ટમાં દાવો કરવામાં આવી રહ્યો છે કે કૃતિ સેનન રિલેશનશિપમાં છે.
ખરેખર, સોશિયલ મીડિયા પર એક ફોટો વાયરલ થઈ રહ્યો છે. જોકે, ફોટામાં બંનેની માત્ર પીઠ જ દેખાઈ રહી છે. પરંતુ પોસ્ટમાં દાવો કરવામાં આવ્યો છે કે ફોટામાં દેખાતી છોકરી કૃતિ સેનન છે, કારણ કે તેની સાથે તેની ટીમનો મેમ્બર્સ પણ જોવા મળી રહ્યો છે.
કૃતિ સેનનની સાથે એક મિસ્ટ્રી મેન પણ જોવા મળ્યો. ફોટો વાયરલ થયા બાદ કૃતિનું નામ મિસ્ટ્રી મેન સાથે જોડવામાં આવી રહ્યું છે.
એવું કહેવામાં આવી રહ્યું છે કે ફોટોમાં દેખાતો મિસ્ટ્રી મેન યુકે સ્થિત કરોડપતિ બિઝનેસમેન છે, જેનું નામ કબીર બહિયા છે.
એવું પણ કહેવામાં આવી રહ્યું છે કે કબીર બહિયા મહેન્દ્ર સિંહ ધોનીની પત્ની સાક્ષી ધોનીનો સંબંધી છે અને તે બ્રિટનમાં રહે છે. કબીરે સાક્ષી સાથે ઈન્સ્ટાગ્રામ પર ઘણી તસવીરો પણ શેર કરી છે.
જોકે, કૃતિ સેનને હજુ સુધી મિસ્ટ્રી મેન સાથેના તેના લિંકઅપના સમાચાર પર પ્રતિક્રિયા આપી નથી. તે આ સમાચાર પર કેવી પ્રતિક્રિયા આપે છે તે જોવું રસપ્રદ રહેશે.