09 April 2024
ഭക്ഷണത്തിൽ നിന്നുണ്ടായ അലർജിയെ തുടർന്ന് ആശുപത്രിയിൽ പ്രവേശിപ്പിച്ച യുവതി മരിച്ച വാർത്ത നാം അറിഞ്ഞതാണ്.
ഞായറാഴ്ച ഉച്ചഭക്ഷണത്തിനിടെ കൊഞ്ച് കഴിച്ചതാണ് അലർജി ഉണ്ടാവാൻ കാരണമെന്ന് തൊടുപുഴ പൊലീസ് പറഞ്ഞു.
ചില ഭക്ഷണങ്ങൾ ചിലരിൽ അലർജിക്ക് കാരണമാകും. ഈ അലർജി തിരിച്ചറിയപ്പെടാതെ പോയാൽ മരണം വരെ സംഭവിക്കാം.ചിലർക്ക് കൊഞ്ച് അലർജി ഉണ്ടാക്കുന്ന ഭക്ഷണമാണ്.
കൊഞ്ച് അലർജിയുടെ ഒരു ലക്ഷണമാണ് ചൊറിച്ചിൽ. ചർമ്മത്തിൽ വ്യാപിക്കുന്ന തിണർപ്പുകളിൽ ചൊറിച്ചിൽ ഉണ്ടാകാം. കണ്ണ്, വായ, ചർമ്മം എന്നിവിടങ്ങളിലാണ് കൂടുതലായി ചൊറിഞ്ചിൽ അനുഭവപ്പെടുക.
അറ്റോപിക് ഡെർമറ്റൈറ്റിസ് എന്നും അറിയപ്പെടുന്ന ഒരു ത്വക്ക് രോഗാവസ്ഥയാണ് എക്സിമ. ചർമ്മത്തിൽ തവിട്ട് -ചാര നിറത്തിലുള്ള പാടുകളും കഠിനമായ ചൊറിച്ചിലും ഇതിൻ്റെ സവിശേഷതയാണ്.
ശ്വാസകോശ സംബന്ധമായ പ്രശ്‌നങ്ങളും നെഞ്ചുവേദനയുമാണ് മറ്റൊരു ലക്ഷണം.
തലകറക്കം, ബോധക്ഷയം എന്നിവയാണ് മറ്റ് ലക്ഷണങ്ങൾ. നിങ്ങൾക്ക് ചെമ്മീൻ അലർജി ഉണ്ടെങ്കിൽ തളർച്ചയോ തലകറക്കമോ അനുഭവപ്പെടാം.