Credit: SOCIAL MEDIA
13 March 2024
ഉറക്ക തടസ്സമുണ്ടാകുന്നതിന് ഒരു പ്രധാന കാരണം കൂർക്കംവലിയാണ്. കൂർക്കംവലി ഒരു നിദ്രാവൈകല്യമാണ്.
കൂർക്കംവലിക്കുന്നവർക്ക് മാത്രമല്ല തൊട്ടടുത്ത് കിടക്കുന്നവർക്കും ബുദ്ധിമുട്ട് ഉണ്ടാക്കുന്ന ഒന്നാണിത്.
ഉറക്കത്തിൽ ശ്വാസോഛാസം ചെയ്യുമ്പോൾ വായുവിന് തടസമുണ്ടാകുന്ന അവസ്ഥയാണ് കൂർക്കംവലി.
മൂക്ക് അടഞ്ഞിരിക്കുന്നതു കൊണ്ടോ, മൂക്കിന്റെ പാലം വളഞ്ഞിരിക്കുന്നതോ, അമിതവണ്ണമോ, അലർജി, ജലദോഷം എന്നിവ മൂലമോ സൈനസൈറ്റിസ് കാരണമോ കൂർക്കംവലിക്കാം.
കൂര്‍ക്കം വലിക്കുന്നവര്‍ക്ക് കൃത്യമായ ഉറക്കം ലഭിക്കുകയില്ല. ഇത്തരക്കാർക്ക് രാവിലെ എഴുന്നേറ്റാലും ഉറക്ക ക്ഷീണം ഉണ്ടാകും.
പലപ്പോഴും കൂർക്കംവലി ഒരു പ്രശ്നക്കാരനാകാറില്ലെങ്കിലും ചിലപ്പോൾ ഇത് ചില ഗുരുതരമായ ആരോഗ്യപ്രശ്നങ്ങളുടെ ലക്ഷണവുമാകാം.
കൂർക്കംവലി തടയാൻ ജീവിതശൈലിയിൽ ചില മാറ്റങ്ങൾ വരുത്താവുന്നതാണ്. ശരീരഭാരം കൂടുതലാണെങ്കിൽ ആദ്യം ഭാരം കുറയ്ക്കാൻ ശ്രദ്ധിക്കണം.
ചിലര്‍ക്ക് കഫക്കെട്ടുള്ളപ്പോൾ കൂര്‍ക്കംവലി ഉണ്ടായെന്ന് വരാം. എന്നാല്‍, സ്ഥിരമായി കൂര്‍ക്കംവലിക്കുന്നുണ്ടെങ്കിൽ കിടക്കുന്ന പൊസിഷന്‍ മാറ്റേണ്ടത് അനിവാര്യമാണ്. സൈഡ് ചെരിഞ്ഞ് കിടക്കുന്നത് കൂര്‍ക്കംവലി ഒഴിവാക്കാന്‍ സഹായിക്കും.
ഉറങ്ങുന്നതിന് മുൻപ് മദ്യം കഴിക്കുന്നതും പുകവലിക്കുന്നതും ഒഴിവാക്കാം. മദ്യം തൊണ്ടയിലെ പേശികളെ സ്വാധീനിക്കുകയും വായുസഞ്ചാരം കുറയ്ക്കുകയും ചെയ്യുന്നു. ഇത് കൂര്‍ക്കംവലിക്ക് കാരണമാകുന്നു.
ഒന്നിൽ കൂടുതൽ തലയിണ ഉപയോഗിക്കുന്നത് തലഭാ ഗം ഉയർന്നിരിക്കുന്നതിന് സഹായിക്കും. ഇത് വായൂ സഞ്ചാരം കൃത്യമായി നടക്കുന്നതിന് സഹായിക്കും.