13 MAY 2025
വീട്ടിലെ ഉത്തരവാദിത്തങ്ങൾക്ക് ഇടയിൽ ആരോഗ്യത്തിന് പ്രാധാന്യം നൽകാൻ മിക്ക അമ്മമാരും മറക്കും. പ്രായം കൂടുന്തോറും ആരോഗ്യപ്രശ്നങ്ങൾ തലപൊക്കും. രോഗം വന്ന ശേഷം ചികിത്സിക്കാമെന്ന് കരുതരുത്
30 വയസ്സ് കഴിഞ്ഞാൽ പതിവായി ആരോഗ്യ പരിശോധനകൾ നടത്തേണ്ടത് ആവശ്യമാണ്. രോഗങ്ങൾ നേരത്തെ കണ്ടെത്താനും രോഗം വരാതെ തടയാനും ഈ പരിശോധനകൾ സഹായിക്കും
പൂർണമായും തടയാൻ സാധിക്കുന്ന കാൻസറുകളിൽ ഒന്നാണ് സെർവിക്കൽ കാൻസർ. പാപ്സ്മിയർ ടെസ്റ്റ് 21 വയസ്സിൽ ചെയ്തു തുടങ്ങാം
സ്ത്രീകൾ ഓരോ മൂന്നു വർഷം കൂടുമ്പോഴും ഈ ടെസ്റ്റ് ചെയ്യണം. 30 വയസ്സു കഴിഞ്ഞാൽ ഇതോടൊപ്പം എച്ച്പിവി ടെസ്റ്റ് കൂടി ചെയ്യാം
ലൈംഗിക ബന്ധത്തിലൂടെ പകരുന്ന രോഗങ്ങൾക്ക് (STD) ലക്ഷണങ്ങൾ കാണില്ല. ഇവ പങ്കാളിയിലേക്കോ ഗർഭിണി ആണെങ്കിൽ പിറക്കാനിരിക്കുന്ന കുഞ്ഞിലേക്കോ പകരാം. അതിനാൽ ലൈംഗികാരോഗ്യ പരിശോധനകൾ നടത്താം
സ്തനാർബുദം നേരത്തെ കണ്ടെത്താൻ മാമോഗ്രാം പരിശോധന നടത്തണം. രോഗ സാധ്യത അനുസരിച്ച് 40 വയസ്സിനും 50 വയസ്സിനും ഇടയിൽ പരിശോധന ആരംഭിക്കാം
35-ാം വയസ്സ് മുതൽ സ്ത്രീകൾ പ്രമേഹ പരിശോധന തുടങ്ങണം. പൊണ്ണത്തടി, പ്രമേഹത്തിന്റെ കുടുംബ ചരിത്രം, ഉയർന്ന രക്തസമ്മർദം, ഹൃദ്രോഗ പശ്ചാത്തലം ഇവ ഉണ്ടെങ്കിൽ സൂക്ഷിക്കുക
ആർത്തവ വിരാമത്തിനു ശേഷം ഓസ്റ്റീയോ പോറോസിസ് വരാൻ സാധ്യത കൂടുതലാണ്. ശരീരഭാരം കുറവാണെങ്കിലോ കുടുംബത്തിൽ ആർക്കെങ്കിലും ഓസ്റ്റീയോ പൊറോസിസ് വന്നിട്ടുണ്ടെങ്കിലോ സൂക്ഷിക്കുക
50 വയസ്സിൽ കൂടുതൽ ഉള്ള അമ്മമാർ എല്ലുകളുടെ ധാതു സാന്ദ്രത അഥവാ ബോൺ ഡെൻസിറ്റി സ്കാൻ ചെയ്യേണ്ടതാണ്. എല്ലുകളുടെ ആരോഗ്യത്തെക്കുറിച്ച് മനസ്സിലാക്കാനും എല്ലുകൾക്ക് പൊട്ടൽ ഉണ്ടാകുന്നത് ഒഴിവാക്കാനും ഇത് സഹായിക്കും