06 MAY 2024
കാർബോഹൈഡ്രേറ്റിന്റെയും അന്നജത്തിന്റെയും നല്ല ഉറവിടമാണ് ഉരുളക്കിഴങ്ങ്.
കറി വെയ്ക്കാൻ ഒരുക്കുമ്പോൾ ഉരുളക്കിഴങ്ങിന്റെ തൊലി കളഞ്ഞ് ഉപയോഗിക്കുന്നതാണ് പതിവ്.
എന്നാൽ വെറുതെ കളയുന്ന തൊലിയിൽ ധാരാളം പോഷകങ്ങൾ അടങ്ങിയിട്ടുണ്ട്.
വൈറ്റമിനുകളും, മിനറലുകളും, നാരുകളും ഉൾപ്പെടെ ധാരാളം പോഷകങ്ങളുടെ കലവറയാണ് ഉരുളക്കിഴങ്ങിന്റെ തൊലി
രക്തസമ്മർദ്ദം, പേശികളുടെ ബലം, ഇലക്ട്രോലൈറ്റുകളുടെ അളവ്, ഞരമ്പുകളുടെ പ്രവർത്തനം എന്നിവയെ സ്വാധീനിക്കുന്ന പൊട്ടാസ്യം എന്ന മിനറലും ഇതിൽ അടങ്ങിയിരിക്കുന്നു.
ലയിക്കുന്നതും ലയിക്കാത്തതുമായ നാരുകൾ ഉരുളക്കിഴങ്ങിന്റെ തൊലിയിലുണ്ട്. ഇത് ദഹനസംബന്ധമായ പ്രശ്നങ്ങൾക്കു പരിഹാരം നൽകുന്നു.
ഉരുളക്കിഴങ്ങ് തൊലിയിൽ അടങ്ങിയിരിക്കുന്ന കരോട്ടിനോയിഡുകൾ, വൈറ്റമിൻ സി, എന്നിവ ചർമ്മത്തിന്റെ ആരോഗ്യം നിലനിർത്താൻ സാഹായിച്ചേക്കാം.
ഉരുളക്കിഴങ്ങോ അതിന്റെ തൊലിയോ നന്നായി കഴുകിയതിനു ശേഷം മാത്രം ഉപയോഗിക്കുക.