11 April 2024
നാരങ്ങാവെള്ളം കുടിക്കുന്നത് ആരോഗ്യത്തിന് വളരെയധികം ഗുണകരമാണെന്നാണ് കരുതപ്പെടുന്നത്.
നാരങ്ങ വെള്ളം കുടിക്കുന്നത് നിർജ്ജലീകരണം, ദഹനം എന്നിങ്ങനെയുള്ള പ്രശ്നങ്ങൾ ഇല്ലാതാക്കുകയും ശരീരഭാരം വേഗത്തിൽ കുറയ്ക്കുകയും ചെയ്യുന്നു.
എന്നാൽ ഇത് അമിതമായാൽ ഗുണത്തിന് പകരം ദോഷം ചെയ്യും. നാരങ്ങാവെള്ളം അമിതമായി കുടിച്ചാൽ എന്തൊക്കെ പ്രശ്‌നങ്ങളുണ്ടാകുമെന്ന് നോക്കാം.
നാരങ്ങ വളരെയധികം അസിഡിറ്റി ഉള്ള ഒന്നാണ് , അതിനാൽ അമിതമായി കുടിക്കുന്നതുമൂലം അവ പല്ലിന്റെ ഇനാമലിനെ നശിപ്പിക്കുന്നു.
നാരങ്ങാവെള്ളം ഒഴിച്ചുകൂടാനാകാത്ത ഒന്നാണെങ്കിൽ, ഒരു സ്ട്രോ ഉപയോഗിച്ച് കുടിക്കാൻ ശ്രമിക്കുക. ഇത് പല്ലുകൾ ആസിഡുമായി നേരിട്ട് സമ്പർക്കം പുലർത്തുന്നത് ഒഴിവാക്കും.
നാരങ്ങാവെള്ളം കുടിച്ച ഉടൻ പല്ല് തേക്കുന്നത് ഒഴിവാക്കുക. നാരങ്ങാവെള്ളം കുടിച്ച ശേഷം ഒരു ഗ്ലാസ് പ്ലെയിൻ വാട്ടർ കുടിക്കണം.
നരങ്ങ അമിതമായി വെള്ളത്തിൽ പിഴിഞ്ഞെടുക്കുന്നത് ഗ്യാസ്ട്രോ ഈസോഫേഷ്യൽ റിഫ്ലക്സ് ഡിസീസിന് (GERD) കാരണമാകും. ഇതുമൂലം നെഞ്ചെരിച്ചിൽ, ഓക്കാനം, ഛർദ്ദി എന്നിവ ഉണ്ടാകാം.
ചെറുനാരങ്ങകളുടെയും തൊലികളിൽ നിരവധി സൂക്ഷ്മാണുക്കൾ കണ്ടെത്തിയിരുന്നു.
ഇതൊഴിവാക്കാൻ ചെറുനാരങ്ങ തൊലികളോടെ വെള്ളത്തിലിട്ട് കുടിക്കാൻ ഉപയോഗിക്കുന്നതിന് പകരം തുള്ളികൾ മാത്രം വെള്ളത്തിൽ പിഴിഞ്ഞ് ഒഴിക്കുക.