14 MARCH 2025
താൻ വിവാഹിതയായെന്ന് വെളിപ്പെടുത്തി നടിയും മോഡലും മുൻ ബിഗ് ബോസ് താരവുമായ ഐശ്വര്യ സുരേഷ് (ലെച്ചു)
ഒരു വർഷം മുൻപ് തന്റെ വിവാഹം കഴിഞ്ഞുവെന്ന വാർത്തയാണ് ലെച്ചു ഇൻസ്റ്റഗ്രാം സ്റ്റോറിയിലൂടെ വെളിപ്പെടുത്തിയിരിക്കുന്നത്
തന്റെ പങ്കാളിക്കൊപ്പമുള്ള ചിത്രവും പങ്കിട്ടിട്ടുണ്ട്. പക്ഷേ ലക്ഷ്മിയുടെ ജീവിതപങ്കാളിയുടെ പേര് വെളിപ്പെടുത്തിയിട്ടില്ല
‘‘ഞാൻ ഈ ബ്യൂട്ടിഫുൾ സോളിനെ വിവാഹം ചെയ്തിട്ട് ഒരു വർഷമാകാൻ പോവുന്നു,’’ എന്നാണ് ലെച്ചു ഇൻസ്റ്റഗ്രാമിൽ കുറിച്ചത്
ബിഗ് ബോസിലൂടെയാണ് പ്രേക്ഷകർ ലെച്ചുവിനെ കൂടുതൽ അടുത്തറിഞ്ഞത്. 2018ൽ പുറത്തിറങ്ങിയ കളി എന്ന ചിത്രത്തിലൂടെയായിരുന്നു സിനിമ അരങ്ങേറ്റം
ബിഗ് ബോസ് മലയാളത്തിന്റെ അഞ്ചാം സീസണിൽ മത്സരാർഥിയായിരുന്ന ലെച്ചുവിന് ആരോഗ്യപ്രശ്നങ്ങൾ കാരണം ഷോ പൂർത്തിയാക്കാൻ കഴിഞ്ഞിരുന്നില്ല
കുറേ നാളുകളായി സോഷ്യല് മീഡിയയില് നിന്നും അകലം പാലിക്കുകയായിരുന്നു. വലിയൊരു ഇടവേളയ്ക്ക് ശേഷം താരം തിരികെ വരുന്നത് തന്റെ വിവാഹം കഴിഞ്ഞുവെന്ന് അറിയിച്ചു കൊണ്ടാണ്
സോഷ്യല് മീഡിയയില് വളരെ സജീവമായിരുന്നു ലച്ചു. തന്റെ ബോള്ഡ് ഫോട്ടോഷൂട്ടുകളിലൂടേയും ആരാധകരെ നേടിയിട്ടുണ്ട്
ഇപ്പോൾ തങ്ങളുടെ പ്രിയ താരം വിവാഹിതയായെന്ന വാര്ത്ത ഏറെ സന്തോഷത്തോടെയാണ് ആരാധകരും ഏറ്റെടുക്കുന്നത്