27 April 2024
ജ്യോതിഷ ശാസ്ത്രം പോലെ തന്നെ വളരെ പ്രചാരത്തിലുള്ള ഒന്നാണ് ഹസ്തരേഖ ശാസ്ത്രം.
കൈകളുടെയും കൈവെള്ളയുടെയും നിറം, രേഖകള്‍, രൂപങ്ങള്‍ എന്നിവ നിരീക്ഷിച്ച് വ്യക്തികളുടെ സവിശേഷതകളും ഭാവിയും പ്രവചിക്കുന്ന ഒരു ജ്യോതിഷ സമ്പ്രദായമാണ് ഹസ്തരേഖാശാസ്ത്രം.
ഹസ്തരേഖ ശാസ്ത്ര പ്രകാരം കൈയിലെ ചില രേഖകളും ചിഹ്നങ്ങളും ആ വ്യക്തികള്‍ അതിസമ്പന്നരാക്കുമെന്നും, ഭാഗ്യവും വിജയവും എപ്പോഴും അവര്‍ക്ക് ഒപ്പം ഉണ്ടാകുമെന്നുമാണ്.
അത്തരത്തിലുള്ള ചിഹ്നമാണ് ചൈനീസ് ഹസ്തരേഖ വിദഗ്ദ്ധര്‍, ചിംഗ് (井) എന്ന് വിളിക്കുന്ന അടയാളം (Jing Sign On The Palm).
ഹാഷ് ടാഗ് (#) രൂപത്തിലുള്ള ഈ അടയാളം കൈവെള്ളയുടെ ചില പ്രത്യേക ഭാഗത്തുണ്ടെങ്കില്‍ അവര്‍ ഭാഗ്യശാലികളാണെന്നാണ് പറയുന്നത്.
ചൈനീസ് ഭാഷയില്‍ ചിംഗ് എന്ന വാക്കിന്റെ അര്‍ത്ഥം 'വളരെ നല്ലത്' എന്നാണ്. ഈ അടയാളമുള്ളവരുടെ ജീവിതം എല്ലാ കൊണ്ടും നല്ലതായിരിക്കും.
ചിംഗ് അടയാളം കൈവെള്ളയിലെ ഹൃദയ രേഖയിലാണെങ്കില്‍ ആ വ്യക്തികള്‍ക്ക് കര്‍മ്മരംഗം വലിയ നേട്ടങ്ങളുടേതാകും. ഇവര്‍ തൊഴിലില്‍ ഉയര്‍ന്ന് സ്ഥാനത്ത് എത്തും.
ചിംഗ് അടയാളം ഹൃദയ രേഖയ്ക്കും ഭാഗ്യ രേഖയ്ക്കും ഇടയിലാണെങ്കില്‍ ഇവര്‍, സംരംഭ രംഗത്തും ഉദ്യോഗ തലത്തിലും വലിയ നേട്ടങ്ങളും സ്ഥാനമാനങ്ങളും വഹിക്കുമെന്നാണ് പറയുന്നത്.
കൈവെള്ളയില്‍ ചിംഗ് അടയാളം ഉള്ളവര്‍ തൊഴില്‍ രംഗത്തെ ഉയര്‍ച്ചയും ഭാഗ്യവും ഉണ്ടാവും.
കൈവെള്ളയില്‍ ചൂണ്ടുവിരലിന് താഴെയായി ഈ ചിഹ്നമുള്ളവര്‍ക്ക് ജീവിതത്തിലൊരിക്കലും സാമ്പത്തികമായി കുറവുകളുണ്ടാവില്ല.
ചെറുവിരലിന് താഴെയായിട്ടാണ് ഈ ചിഹ്നം വരുന്നതെങ്കില്‍ കീര്‍ത്തിയും അംഗീകാരവും നേടാന്‍ യോഗമുള്ളവരായിരിക്കും അവര്‍.