02 MAY 2024
തിളക്കമുള്ളതും ആരോഗ്യമുള്ളതുമായ ചർമ്മം ഉണ്ടായിരിക്കാൻ തന്നെയാണ് എല്ലാവരും ഇഷ്ടപ്പെടുന്നത്.
സൂര്യപ്രകാശം, വിയര്‍പ്പ് ഒട്ടിപ്പിടിക്കല്‍ എന്നിവ കാരണം ചര്‍മ്മത്തില്‍ പല പ്രശ്‌നങ്ങളും വരുന്നു.
ഇക്കാര്യത്തില്‍ നിങ്ങള്‍ പരിഭ്രാന്തരാകുകയോ ആശങ്കപ്പെടുകയോ വേണ്ട. കാരണം നിങ്ങളെ സഹായിക്കാനായി ഉപ്പുവെള്ളമുണ്ട്.
ഉപ്പുവെള്ളം ഉപയോഗിക്കുന്നത് മുഖത്ത് സ്വാഭാവിക തിളക്കം നല്‍കുകയും കറുത്ത പാടുകള്‍ നീക്കുകയും ചെയ്യുന്നു.
മുഖക്കുരു പ്രശ്നങ്ങളില്‍ നിന്ന് മോചനം ലഭിക്കണമെങ്കില്‍ നിങ്ങള്‍ ഉപ്പ് വെള്ളത്തില്‍ മുഖം കഴുകുക.
ഉപ്പുവെള്ളത്തിന് സ്വാഭാവികമായും ബാക്ടീരിയയെ ആഗിരണം ചെയ്യാനുള്ള കഴിവുണ്ട്. ഇത് ചര്‍മ്മത്തിലെ സുഷിരങ്ങള്‍ കുറയ്ക്കുന്നതിനും ചര്‍മ്മത്തെ ദൃഢമാക്കുന്നതിനും സഹായിക്കുന്നു.
ഉപ്പ് വെള്ളത്തില്‍ മുഖം കഴുകുന്നത് ചര്‍മ്മത്തിലെ അധിക എണ്ണയെ നീക്കം ചെയ്യുന്നു.
ഉപ്പുവെള്ളം ഒരു ടോണറായി ഉപയോഗിക്കാം. ചര്‍മ്മത്തിലെ സുഷിരങ്ങള്‍ കുറയ്ക്കുന്നതിലൂടെ ചര്‍മ്മത്തില്‍ നിന്ന് എണ്ണ നീക്കം ചെയ്യാന്‍ ഉപ്പുവെള്ളം നിങ്ങളെ സഹായിക്കുന്നു.
ഉപ്പിന് പ്രകൃതിദത്തമായ എക്‌സ്‌ഫോളിയന്റ് ഗുണങ്ങളുണ്ട്. മൃതചര്‍മ്മം നീക്കം ചെയ്യാന്‍ ഇത് സഹായിക്കുന്നു.
സോറിയാസിസ്, എക്സിമ, വരണ്ട ചര്‍മ്മം തുടങ്ങിയ പല തരത്തിലുള്ള ചര്‍മ്മ പ്രശ്നങ്ങളില്‍ നിന്നും മുക്തി നേടാന്‍ ഉപ്പുവെള്ളം ഉപയോഗിക്കുന്നു.